https://www.kirrt.org/writing/punjabi-websites ਪੰਜਾਬੀ ਵੈੱਬਸਾਈਟਾਂ 2020-05-25 18:25:43 ਕਿਰਤ ਵੱਲੋਂ ਅਸੀਂ ਉਹਨਾਂ ਵੈੱਬਸਾਈਟਾਂ ਦੀ ਸੂਚੀ ਤਿਆਰ ਕੀਤੀ ਹੈ ਜਿੱਥੇ ਤੁਸੀਂ ਪੰਜਾਬ ਅਤੇ ਪੰਜਾਬੀਅਤ ਨਾਲ ਸੰਬੰਧਿਤ ਕਿਤਾਬਾਂ ਪੰਜਾਬੀ (ਗੁਰਮੁਖੀ), ਪੰਜਾਬੀ (ਸ਼ਾਹਮੁਖੀ) ਅਤੇ ਅੰਗਰੇਜ਼ੀ ਭਾਸ਼ਾਵਾਂ ਵਿੱਚ ਪੜ੍ਹ ਸਕਦੇ ਹੋ ਅਤੇ ਡਾਊਨਲੋਡ ਕਰ ਸਕਦੇ ਹੋ। Gurdeep Singh Blog post Blog Blog blog reading sources satdeep

ਪੰਜਾਬੀ ਵੈੱਬਸਾਈਟਾਂ

ਕਿਰਤ ਵੱਲੋਂ ਅਸੀਂ ਉਹਨਾਂ ਵੈੱਬਸਾਈਟਾਂ ਦੀ ਸੂਚੀ ਤਿਆਰ ਕੀਤੀ ਹੈ ਜਿੱਥੇ ਤੁਸੀਂ ਪੰਜਾਬ ਅਤੇ ਪੰਜਾਬੀਅਤ ਨਾਲ ਸੰਬੰਧਿਤ ਕਿਤਾਬਾਂ ਪੰਜਾਬੀ (ਗੁਰਮੁਖੀ), ਪੰਜਾਬੀ (ਸ਼ਾਹਮੁਖੀ) ਅਤੇ ਅੰਗਰੇਜ਼ੀ ਭਾਸ਼ਾਵਾਂ ਵਿੱਚ ਪੜ੍ਹ ਅਤੇ ਡਾਊਨਲੋਡ ਕਰ ਸਕਦੇ ਹੋ।

ਪੰਜਾਬੀ-ਕਵਿਤਾ.ਕੌਮ ਉੱਤੇ ਪੰਜਾਬੀ ਤੋਂ ਬਿਨਾਂ ਹਿੰਦੀ-ਉਰਦੂ ਅਤੇ ਅਨੁਵਾਦਿਤ ਕਵਿਤਾਵਾਂ ਗੁਰਮੁਖੀ, ਸ਼ਾਹਮੁਖੀ ਅਤੇ ਦੇਵਨਾਗਰੀ ਲਿਪੀਆਂ ਵਿੱਚ ਪੜ੍ਹ ਸਕਦੇ ਹੋ ਅਤੇ ਇਸੇ ਤਰ੍ਹਾਂ ਪੰਜਾਬੀ ਕਹਾਣੀ ਉੱਤੇ ਗੁਰਮੁਖੀ ਅਤੇ ਸ਼ਾਹਮੁਖੀ ਵਿੱਚ ਪੰਜਾਬੀ ਨਾਵਲ-ਕਹਾਣੀਆਂ ਅਤੇ ਅਨੁਵਾਦਿਤ ਨਾਵਲ-ਕਹਾਣੀਆਂ ਪੜ੍ਹ ਸਕਦੇ ਹੋ। ਇਸ ਤੋਂ ਬਿਨਾਂ ਕਰਮਜੀਤ ਸਿੰਘ ਗੱਠਵਾਲਾ ਹਿੰਦੀ-ਕਵਿਤਾ.ਕੌਮ ਅਤੇ ਹਿੰਦੀ ਕਹਾਣੀ ਨਾਮ ਦੀਆਂ ਵੈੱਬਸਾਈਟਾਂ ਵੀ ਚਲਾਉਂਦੇ ਹਨ।

ਅਕੈਡਮੀ ਆਫ਼ ਦ ਪੰਜਾਬ ਇਨ ਨੌਰਥ ਅਮਰੀਕਾ ਵੱਲੋਂ ਚਲਾਈ ਜਾਂਦੀ ਇਸ ਵੈੱਬਸਾਈਟ ਉੱਤੇ ਗੁਰਮੁਖੀ, ਸ਼ਾਹਮੁਖੀ, ਉਰਦੂ ਅਤੇ ਅੰਗਰੇਜ਼ੀ ਵਿੱਚ ਕਿਤਾਬਾਂ ਪੜ੍ਹੀਆਂ ਜਾ ਸਕਦੀਆਂ ਹਨ ਅਤੇ ਬਹੁਤ ਸਾਰੀਆਂ ਕਿਤਾਬਾਂ ਡਾਊਨਲੋਡ ਵੀ ਕੀਤੀਆਂ ਜਾ ਸਕਦੀਆਂ ਹਨ

ਸ਼ਿਵ ਕੁਮਾਰ ਬਟਾਲਵੀ ਦੇ ਕੁਝ ਹੱਥਲਿਖਤ ਖਰੜੇ ਇਸ ਵੈੱਬਸਾਈਟ ਦਾ ਇੱਕ ਅਨਮੋਲ ਖ਼ਜ਼ਾਨਾ ਹਨ।

ਇੰਟਰਨੈੱਟ ਆਰਕਾਈਵ 1996 ਵਿੱਚ ਸ਼ੁਰੂ ਹੋਈ ਵੈੱਬਸਾਈਟ ਹੈ ਜਿਸ ਉੱਤੇ ਦੁਨੀਆਂ ਦੀਆਂ ਸੈਂਕੜਿਆਂ ਭਾਸ਼ਾਵਾਂ ਵਿੱਚ ਲਿਖਤਾਂ ਅਤੇ ਹੋਰ ਸਮੱਗਰੀ ਮੌਜੂਦ ਹੈ। ਜ਼ਿਕਰਯੋਗ ਹੈ ਕਿ ਈਗੰਗੋਤਰੀ ਟਰਸਟ ਵੱਲੋਂ ਸਕੈਨ ਕੀਤੇ 103 ਗੁਰਮੁਖੀ ਵਿੱਚ ਲਿਖੇ ਹੱਥਖੜੇ ਇੱਥੇ ਮੌਜੂਦ ਹਨ ਜਿਹਨਾਂ ਵਿੱਚ ਗੁਰਬੰਕੀ, ਗੀਤਾ, ਪੁਰਾਣ, ਜ਼ਫਰਨਾਮਾ, ਸੱਸੀ ਪੁੰਨੂੰ ਆਦਿ ਸ਼ਾਮਲ ਹਨ।

ਫ਼ਰੀ ਪੰਜਾਬੀ ਈਬੁਕਸ ਉੱਤੇ ਪੰਜਾਬੀ (ਗੁਰਮੁਖੀ) ਵਿੱਚ ਪੁਰਾਣੇ ਦੇ ਨਾਲ-ਨਾਲ ਆਧੁਨਿਕ ਸਾਹਿਤ ਮੌਜੂਦ ਹੈ। ਸਾਰੀਆਂ ਕਿਤਾਬਾਂ ਨੂੰ ਪੀਡੀਐਫ਼ ਰੂਪ ਵਿੱਚ ਡਾਊਨਲੋਡ ਕੀਤਾ ਜਾ ਸਕਦਾ ਹੈ ਅਤੇ ਕੁਝ ਕਿਤਾਬਾਂ ਈ-ਰੀਡਰ, ਜਿਵੇਂ ਕਿੰਡਲ, ਵਾਲੇ ਫ਼ਾਰਮੈਟਾਂ ਵਿੱਚ ਵੀ ਮੌਜੂਦ ਹਨ।

ਪੰਜਾਬੀ ਲਾਇਬ੍ਰੇਰੀ ਦਾ ਮਕਸਦ ਗੁਰਮੁਖੀ, ਸ਼ਾਹਮੁਖੀ ਅਤੇ ਅੰਗਰੇਜ਼ੀ ਵਿੱਚ ਕਿਤਾਬਾਂ ਦੀ ਪੀਡੀਐਫ਼ ਮੁਹਈਆ ਕਰਵਾਉਣਾ ਹੈ। ਬਹੁਗਿਣਤੀ ਕਿਤਾਬਾਂ ਗੁਰਮੁਖੀ ਵਿੱਚ ਮੌਜੂਦ ਹਨ।

ਪ੍ਰਤੀਲਿਪੀ ਇੱਕ ਭਾਰਤੀ ਵੈੱਬਸਾਈਟ ਹੈ ਜੋ 2015 ਵਿੱਚ ਸ਼ੁਰੂ ਹੋਈ ਅਤੇ ਜਿਸ ਉੱਤੇ ਪੰਜਾਬੀ ਤੋਂ ਬਿਨਾਂ 11 ਹੋਰ ਭਾਰਤੀ ਭਾਸ਼ਾਵਾਂ ਵਿੱਚ ਵੱਖ-ਵੱਖ ਕਿਸਮਾਂ ਦਾ ਸਾਹਿਤ ਪੜ੍ਹਿਆ ਜਾ ਸਕਦਾ ਹੈ ਅਤੇ ਨਾਲ ਹੀ ਇਸ ਉੱਤੇ ਕੋਈ ਵੀ ਆਪਣੀਆਂ ਰਚਨਾਵਾਂ ਛਾਪ ਸਕਦਾ ਹੈ।

ਕਿਤਾਬ ਤ੍ਰਿੰਞਣ ਫ਼ੇਸਬੁਕ ਪੇਜ ਨੂੰ ਲੰਦਨੋਂ ਅਮਰਜੀਤ ਚੰਦਨ ਤੇ ਲਹੌਰੋਂ ਜ਼ੁਬੈਰ ਅਹਿਮਦ ਰਲ਼ ਕੇ ਚਲਾਉਂਦੇ ਹਨ। ਇਹਦਾ ਵੱਡਾ ਮਕਸਦ ਪੰਜਾਬੀ ਕੌਮ ਦੀ, ਸਾਂਝੇ ਪੰਜਾਬ ਦੀ ਸਾਂਝੀ ਵਿਰਾਸਤ ਨੂੰ ਪੇਸ਼ ਕਰਨਾ ਹੈ। ਇਸ ਪੇਜ `ਤੇ ਪੰਜਾਬ ਦੀ ਕਲਾ, ਅਦਬ, ਸੂਝ-ਬੂਝ ਤੇ ਪੰਜਾਬ ਦੇ ਤਕਰੀਬਨ ਹਰ ਪੱਖ ਦੀ ਜਾਣਕਾਰੀ ਦਿੱਤੀ ਹੁੰਦੀ ਹੈ। ਇਸ ਕਿਸਮ ਦੀ ਪੁਖ਼ਤਾ ਤੇ ਸਿੱਕੇਬੰਦ ਜਾਣਕਾਰੀ ਕਿਸੇ ਹੋਰ ਪੇਜ ਜਾਂ ਵੈੱਬਸਾਈਟ ਵਿਚ ਨਹੀਂ ਮਿਲ਼ਦੀ। 1997 ਤੋਂ 2009 ਤੱਕ ਕਿਤਾਬ ਤ੍ਰਿੰਞਣ ਲਹੌਰ ਵਿਚ ਪੰਜਾਬੀ ਕਿਤਾਬਾਂ ਦੀ ਹੱਟੀ ਹੁੰਦੀ ਸੀ। ਇਹ ਹੱਟੀ 2019 ਤੋਂ ਮੁੜ ਚੱਲਣ ਲੱਗੀ ਹੈ।

ਹੋਰ ਵੈੱਬਸਾਈਟਾਂ

 

ਵੀਰ ਪੰਜਾਬ: http://www.veerpunjab.com/

ਪੰਜਾਬੀ ਸਟੋਰੀਜ਼: https://punjabistories.com/

ਲਲਕਾਰ: https://lalkaar.wordpress.com

Some of these works might still be in copyright. Kirrt is not responsible for any copyright infringement.
ਸਤਦੀਪ ਗਿੱਲ

SHARE THIS STORY

Share on facebook
Share on twitter
Share on whatsapp
Share on tumblr
Share on print
Share on email

Find us on